Plantun de Prouvènço

Pèr coumpara dos planto d'encò nostre

Kengia serotina & Crataegus azarolus

Kengia serotina

Poaceae Graminaceae

Noms en français : Molinie tardive, Cleistogène tardif.

Descripcioun :
La coutelino-tardiero flouris à la fin de setèmbre e en óutobro dins li tepiero seco e lis ourle de bos ounte trachis en mato. Se recounèis à si paniculo vióuleto primo e subretout à si cambo d'ounte parton de fueio en angle quàsi dre. Lis espigueto caupon de 3 à 6 flour emé de lemma courteto de mens de 1 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 70 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Kengia
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 3 à 5 cm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun
Avoust à óutobre

Liò : Tepiero seco - Camin - Roucaio seco
Estànci : Termoumediterran à Coulinen
Couroulougi : Eurimediterrano-Nord-Pountico
Ref. sc. : Kengia serotina (L.) Packer, 1960

Argeiroulié

Crataegus azarolus

Rosaceae

Àutri noum : Argeroulié, Poumetié.

Nom en français : Azarolier.

Descripcioun :
L'argeiroulié èro proun planta à passa tèms proche dis oustau. Aro se n'en vèi d'eici, d'eila en ribo de champ e dins lis anciàni sebisso. Es un aubret un pau mai fort que l'acinié amé d'espinasso ; li ramo soun mens sarrado mai pus espesso. Flouris à la debuto de la primo e douno de fru roujo à l'autouno que ié dison lis argeirolo vo poumeleto.

Usanço :
"Qu vau d'argeirolo ?", èro la crido di marchand à Marsiho, coume lou raporto F. Mistral dins lou TdF. Aquéstis argeirolo an un goust que sèmblo un pau lou de la poumo e èron bèn mai manjado à passa tèms qu'à l'ouro d'aro. Es un fru de descurbi tourna-mai. Li fru e li fueio an li mémi prouprieta que l'acinié, estènt riche en anti-óussidant.